കുവൈത്തിൽ വിദേശി സമൂഹത്തിലേക്ക്​ കൊറോണ വരാൻ നിമിത്തമായത്​ അസർബൈജാനിൽ നടന്ന കിക്ക്​ ബോക്​സിങ്​ ​. ഇവിടേക്ക്​ കുവൈത്തി മത്സരാർഥികളുമായി പോയ ഈജിപ്​ഷ്യൻ പൗരനാണ്​ കുവൈത്തിൽ ആദ്യമായി കൊറോണ സ്ഥിരീകരിച്ച വിദേശി. ഇയാളുമായി ബന്ധം പുലർത്തിയ ഏഴ്​
ഈജിപ്​തുകാർക്കും ഒരു സുഡാനിക്കും ഒരു ഇന്ത്യക്കാരനും പിന്നീട്​ കൊറോണ പരിശോധനയിൽ പോസിറ്റീവ്​ ആയി സ്ഥിരീകരിച്ചു. ​

ഫെബ്രുവരി 20നാണ്​ ഈജിപ്​ത്​ പൗരൻ സംഘവുമായി അസർബൈജാനിലേക്ക്​ പോയത്​. ഇയാളുമായി അടുത്ത ബന്ധം പുലർത്തിയവർക്ക്​ മാത്രമാണ്​ ഇപ്പോൾ രോഗം സ്ഥിരീകരിച്ചിട്ടുള്ളത്​. കുവൈത്ത്​ ആരോഗ്യ മന്ത്രാലയം ഇത്തരം ആളുകളെ കണ്ടെത്തി നിരീക്ഷണത്തിൽ പാർപ്പിച്ചിട്ടുണ്ട്​. അതുകൊണ്ടുതന്നെ പൊതുസമൂഹത്തിന്​ വലിയ വലിയ ആശങ്കയുടെ ആവശ്യമില്ലെന്നാണ്​ അധികൃതർ സൂചിപ്പിക്കുന്നത്​.

ഇയാളുടെ ആയോധന കാല പരിശീലന സ്ഥാപനം പ്രവർത്തിച്ചിരുന്ന മാളിലെ ശുചീകരണ ജീവനക്കാരനാണ്​ വൈറസ്​ സ്ഥിരീകരിച്ച തമിഴ്​നാട്​ സ്വദേശി. ഇൗ മാളിൽ പ്രവർത്തിക്കുന്ന സ്ഥാപനങ്ങളിലെയെല്ലാം ജീവനക്കാരെ നിരീക്ഷണത്തിലാക്കിയിട്ടുണ്ട്​. ശനിയാഴ്​ച വൈറസ്​ സ്ഥിരീകരിച്ച ഇന്ത്യക്കാരൻ താമസിച്ച കെട്ടിടം അധികൃതർ മുദ്രവെച്ച്​ ​െഎസൊലേറ്റ്​ ചെയ്​തിട്ടുണ്ട്​. ശുചീകരണ, സെക്യൂരിറ്റി ജീവനക്കാർ കൂട്ടമായി താമസിക്കു​ന്ന കെട്ടിടമാണിത്​.