റിയാദ്​: സൗദി അറേബ്യയിൽ കൊറോണ വൈറസ് ​ ബാധിച്ച്​ ചൊവ്വാഴ്ച​ മൂന്നുപേർ കൂടി മരിച്ചു. മരണസംഖ്യ ഇതോടെ 41 ആയി. മക്കയിൽ രണ്ടും ഹുഫൂഫിൽ ഒന്നുമാണ്​ പുതുതായി റിപ്പോർട്ട്​ ചെയ്​ത മരണങ്ങൾ. കൂടാതെ, 43 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ രാജ്യത്തെ ആകെ രോഗബാധിതരുടെ എണ്ണം 2795 ആയി.

64 പേർകൂടി സുഖം പ്രാപിച്ചതോടെ രോഗമുക്തരുടെ എണ്ണം 615 ആയി. ആരോഗ്യ മന്ത്രാലയത്തി​​ന്റെ
കോവിഡ്​-19 വെബ്​സൈറ്റാണ്​ ചൊവ്വാഴ്​ച ഉച്ചകഴിഞ്ഞ്​ 3.17ന്​ ഈ വിവരം റിപ്പോർട്ട് ചെയ്തിരിക്കുന്നത്.

നിലവിൽ വൈറസ് ബാധിച്ച് 2139 പേർ ചികിത്സയിലാണ്​. ഇതിൽ 41 പേർ തീവ്രപരിചരണ വിഭാഗത്തിലാണ്​. രാവിലെ പുതിയ രോഗികളുടെ വിവരം വെബ്​സൈറ്റ്​ പുറത്തുവിട്ടിരുന്നു. 147 പേരുടെ കണക്കാണ്​ അപ്പോൾ വന്നത്​. ഇ​തും കൂടിയാവു​മ്പോൾ ചൊവ്വാഴ്​ച രാവിലെ മാത്രം 190 പുതിയ കേസുകളാണ്​ റിപ്പോർട്ട്​ ചെയ്യപ്പെട്ടിരിക്കുന്നത്​.

രാജ്യത്ത് രോഗമുക്തരുടെ എണ്ണം 600 കടന്നത്​ ആശ്വാസം നൽകുന്ന വാർത്തയാണ്.
ഏറ്റവും കൂടുതൽ പേർക്ക്​ രോഗബാധയുണ്ടായത്​ റിയാദിലാണ്​.