കുവൈത്ത് സിറ്റി: കൊറോണ വൈറസ് കുവൈത്തിൽ 79 ഇന്ത്യക്കാർ അടക്കം 109 പേർക്ക് കൂടി സ്ഥിരീകരിച്ചു. ഇതോടെ രാജ്യത്ത് ആകെ കോവിഡ് ബാധിച്ചവരുടെ എണ്ണം 665 ആയി. കോവിഡ് ബാധിതരായ ഇന്ത്യക്കാരുടെ എണ്ണം 304 ആയി.
ഒരാളാണ് രാജ്യത്ത് കോവിഡ് ബാധിച്ച് മരിച്ചത്. എട്ട് കുവൈത്തികൾ, മൂന്ന് പാകിസ്ഥാനികൾ, ആറ് ഇൗജിപ്തുകാർ, ആറ് ബംഗ്ലാദേശികൾ, ആറ് ഇറാൻ പൗരന്മാർ, ഒരു ഫിലിപ്പീൻസ് പൗരൻ എന്നിവർക്കാണ് ഇന്ത്യക്കാരെ കൂടാതെ തിങ്കളാഴ്ച കോവിഡ് സ്ഥിരീകരിച്ചത്.
20 പേർ തീവ്രപരിചരണ വിഭാഗത്തിലുള്ളതിൽ ഏഴുപേരുടെ നില ഗുരുതരമാണ്. ബ്രിട്ടനിൽനിന്ന് വന്ന കുവൈത്തി എന്നിവർ ഒഴികെയുള്ളവരെല്ലാം നേരത്തെ രാജ്യത്ത് രോഗം സ്ഥിരീകരിച്ചവരുമായി സമ്പർക്കം പുലർത്തിയവരാണ്.
