മനാമ: പത്തനംതിട്ട പ്രവാസി അസോസിയേഷൻ ബഹ്‌റൈൻ പ്രവർത്തന ഉദ്ഘാടനം 30.10.2020 നു സൽമാനിയ സെഗയ ഹാളിൽ വച്ചു ബഹറിനിലെ പ്രമുഖ സാമൂഹിക പ്രവർത്തകനും പത്തനംതിട്ട കുമ്പനാട് സ്വദേശിയും ആയ വേൾഡ് മലയാളി കൗൺസിൽ ട്രഷറർ മോനി ഒടികണ്ടത്തിൽ നിർവഹിച്ചു. പ്രവാസ ജീവിത യാത്രയിലും സ്വന്തം നാടിനെയും സംസ്കാരത്തെയും മറന്നു പോകാതെ പുതു തലമുറയ്ക്ക് നമ്മുടെ ജന്മ നാടിന്റെ മഹത്വം പകർന്നു നൽകണം എന്നും, അസോസിയേഷന്റെ പ്രവർത്തങ്ങൾ പ്രവാസികൾക്ക് വേണ്ടി അവരുടെ പ്രശ്നങ്ങളിൽ ഇറങ്ങി അവരുടെ ശബ്ദം ആയി മാറാൻ കഴിയണം എന്ന് ഉദ്ഘാടന സന്ദേശത്തിൽ അദ്ദേഹം അറിയിച്ചു. അസോസിയേഷൻ കൺവീനർ വിഷ്ണു വി അധ്യക്ഷത വഹിക്കുകയും. ഒ.ഐ.സി.സി ഗ്ലോബൽ ജനറൽ സെക്രട്ടറി രാജു കല്ലുമ്പുറം. പ്രവാസി കമ്മീഷൻ സുബൈർ കണ്ണൂർ. പ്രവീൺ നായർ, വര്ഗീസ് മൂഡിയിൽ (ആലിയ ഫ്ളവർസ്) എന്നിവർ ആശംസകൾ അറിയിക്കുകയും, ശ്രീമതി സി.ജി തോമസ്, ജോബിൻ രാജു എന്നിവർ പ്രവർത്തനങ്ങളെ പറ്റി സംസാരിക്കുകയും. എബിൻ ജോൺ തെക്കെമല കൃതജ്ഞത രേഖപ്പെടുത്തുകയും ചെയ്തു. സൂം വഴി നടന്ന ചടങ്ങിൽ പത്തനംതിട്ടയിലെ വിവിധ ജനപ്രതിനിധികൾ, സാംസ്കാരിക പ്രവർത്തകരും പങ്കെടുത്തു. ബഹ്‌റൈനിലെ പത്തനംതിട്ട ജില്ലക്കാരായ പ്രവാസികളുടെ ക്ഷേമത്തിനും ഉന്നമനത്തിനും വേണ്ടി പ്രവർത്തിക്കുക എന്നത് ആണ് അസോസിയേഷൻ ന്റെ മുഖ്യ ലക്ഷ്യം എന്ന് ഭാരവാഹികൾ അറിയിച്ചു. ഓണഘോഷങ്ങളുടെ ഭാഗമായി “Lockedonam 2K20” എന്ന പേരിൽ online family picture contest നടത്തിയിരുന്നു. അതിൽ ഒന്നാം സ്ഥാനവും, രണ്ടാം സ്ഥാന വും നേടിയ ഫാമിലിക്കു പ്രൈസ് നൽകുകയും, തുടർന്ന് നടന്ന സാംസ്കാരിക സമ്മേളനത്തിൽ ബഹ്‌റൈനിലെ വിവിധ കലാകാരന്മാരുടെ കലാ പരിപാടികൾ ആസ്വാദകർക്ക് വിത്യസ്ത അനുഭവം ആയി മാറി.

പത്തനംതിട്ട പ്രവാസി അസോസിയേഷനിൽ (papa bh) അംഗങ്ങൾ ആകാൻ +973 3925 1019 ഈ നമ്പറിൽ ബന്ധപ്പെടുക.