മനാമ: കൊറോണ പ്രതിരോധ പ്രവർത്തനത്തിന്റെ ഭാഗമായി പൊതു ഇടങ്ങളിലെ നിയന്ത്രണം കാരണം ഫ്‌ളാറ്റുകളിൽ കഴിയേണ്ട അവസ്ഥയിൽ  സ്ത്രീകളുടെയും, കുട്ടികളുടെയും, പുരുഷൻമാരുടെയും മാനസികമായും, ശാരീരികവുമായ ഉണർവിനും ഉന്മേഷത്തിനും വേണ്ടി കൊല്ലം പ്രവാസി അസോസിയേഷൻ വനിതാ വിഭാഗത്തിന്റെ നേതൃത്വത്തിൽ കിഡ്സ് ഡേ, മോട്ടിവേഷൻ ഡേ, ഹെൽത്ത് ഡേ എന്നിവ സംഘടിപ്പിക്കുന്നു.

ഇതിലെ ആദ്യപരിപാടിയായ കുട്ടികളുടെ സമ്മർക്യാമ്പ് കെ.പി.എ പ്രസിഡന്റ് നിസാർ കൊല്ലം ഇന്ന്  ഉത്‌ഘാടനം ചെയ്തു തുടക്കം കുറിച്ചു.

ജനറൽ സെക്രട്ടറി ജഗത് കൃഷ്ണകുമാർ, ട്രെഷറർ രാജ് കൃഷ്ണൻ, സെക്രട്ടറി കിഷോർ കുമാർ, വൈസ് പ്രസിഡന്റ് വിനു ക്രിസ്റ്റി, ചിൽഡ്രൻസ് വിങ് കൺവീനർ അനോജ് മാസ്റ്റർ, ലേഡീസ് വിങ് ഭാരവാഹികൾ ആയ ബിസ്മി രാജ്, ശ്രീജ ശ്രീധരൻ, ലക്ഷ്മി സന്തോഷ്, രാജി ചന്ദ്രൻ, ജിഷ വിനു ക്ലാസ് നയിക്കുന്ന ടീച്ചർമാരായ രജിത സജികുമാർ, അലിസൺ ലെർണെസ്റ്, സനൂജ റിയാസ് ഖാൻ, സഞ്ജു റോബിൻ ജോസഫ് എന്നിവർ സന്നിഹിതരായിരുന്നു.

ഓഗസ്റ്റ് 7, 10 എന്നീ രണ്ടു ദിവസങ്ങളിലായി ജൂനിയർ & സീനിയർ ആയി വേർതിരിച്ചു സൗജന്യമായി ആണ് സമ്മർ ക്യാമ്പ് സംഘടിപ്പിച്ചിരിക്കുന്നതു. പ്രഗത്ഭരായ ടീച്ചർമാർ വിവിധമേഖലകളിൽ കുട്ടികൾക്കായി ക്‌ളാസ്സുകൾ എടുക്കുന്നു. കൂടാതെ പല വിധ പ്രശ്നങ്ങളുമായി ഈ സമയത്തു സമ്മർദ്ദത്തിലായിരിക്കുന്ന മനസ്സുകളെ ശാന്തമാക്കാൻ ബഹറിനിലെ പ്രശസ്തനായ കൗൺസിലറായ ശ്രീ. ഡോ. ജോൺ പനയ്ക്കൽ ഓഗസ്റ്റ് 9 നു “ഒരു രാവും പുലരാതിരുന്നിട്ടില്ല” എന്ന പേരിൽ മോട്ടിവേഷൻ ഡേയിൽ ക്ലാസ് എടുക്കുന്നു. ഓഗസ്റ്റ് 12 നു നടക്കുന്ന ഹെൽത്ത് അവയർനെസ്സ് ഡേയിൽ  സ്ത്രീകളുടെ ആരോഗ്യ പ്രശ്നങ്ങൾ കണക്കിലെടുത്ത്  “സ്ത്രീ സുരക്ഷയും ആയൂർ വേദവും” എന്ന വിഷയത്തിൽ പ്രശസ്ത ആയുർവേദ ഡോക്ടർ ഡോ. നയനാ സൂരജ് സ്ത്രീകൾക്കായി ക്ലാസ് എടുക്കുന്നു. കൂടുതൽ വിവരങ്ങൾക്ക് 3595 8177, 3929 3112.